Atalǵan portqa aıaldaǵan Frenk-Valter Shtaınmaıer ınfraqurylymdyq nysannyń jumysymen tanysty, dep habarlaıdy Egemen.kz Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Germanııa prezıdenti temirjol jáne avtomobıl kóligimen paromdarǵa júkti tıeý prosesin, sondaı-aq Kaspıı teńiziniń Qazaqstannyń bóligindegi, onyń ishinde Transkaspıı halyqaralyq kólik baǵyty aıasynda osy ınfraqurylymdy damytý jónindegi josparlardy baǵamdap qaıtty.
Bul oraıda Qazaqstannyń Úkimet basshysy GFR prezıdentine atalǵan baǵyt arqyly byltyr júk tasymalynyń kólemi 2 esege ulǵaıǵanyn, sondaı-aq bıylǵy 5 aıda 64%-ǵa artqanyn jetkizdi.
Quryq portyn aralaý kezinde taraptar tranzıttik áleýetti kúsheıtý men ınvestısııa tartý máselelerinde uzaqmerzimdi jemisti áriptestikti damytyp, nyǵaıtýdyń mańyzdylyǵyna toqtaldy. Sonymen qatar germanııalyqtar kólik-logıstıkasy baǵytynda perspektıvaly jobalardy iske asyrýǵa birlesip jumys isteýge daıyn ekenderin aıtty.