Almaty oblysynyń Balqash aýdanynda orman órtenip jatyr. О́rt oshaǵyna órt sóndirýshiler, orman sharýashylyǵy men Ile-Balqash tabıǵı rezervatynyń qyzmetkerleri jumyldyryldy, dep habarlaıdy Egemen.kz.
QR Tótenshe jaǵdaılar mınıstrliginiń baspasóz qyzmeti habarlaǵandaı, 26 maýsymda órt sóndirýshiler órt aýmaǵyn 150 gektardan 120 gektarǵa deıin qysqarta alǵan. О́rt aýmaǵyna jumyldyrylǵan 80 adam órtpen áli de kúresip jatyr.
«О́rtti sóndirýge 34 qyzmetker, 3 tehnıka, 1 júzý quraly men dron jumyldyrylǵan. 26 maýsymda qosymsha 13 adam, 2 tehnıka men 2 motopompasy bar 1 júzý quraly jiberildi. Sonymen qatar «Ile-Balqash» RMM 25 adamy men 10 tehnıkasy, orman sharýashylyǵynyń 8 adamy men 4 tehnıkasy jumyldyryldy», delingen mınıstrlik habarlamasynda. Buǵan deıin Tótenshe jaǵdaılar mınıstrligi Ile-Balqash tabıǵı rezervatynda iri órt shyqqanyn habarlaǵan edi. Qyzyl jalyn 6200 gektar jerdi qamtyǵan.