27 maýsym men 2 shilde aralyǵynda Astanadaǵy «Beeline Arena» sport kesheninde erler men áıelder arasynda bokstan II Halyqaralyq «Elorda kýbogi» týrnıri ótedi, dp habarlaıdy Egemen.kz.
Dúbirli dodaǵa 12 elden 200-den astam sportshy qatysady. Olardyń ishinde О́zbekstan, Qytaı, Úndistan, Mońǵolııa jáne basqa elderdiń ókilderi bar.
Erler 13 salmaq dárejesinde, al áıelder 12 salmaq dárejesinde baqtaryn synaıdy.
Júlde qory:
Birinshi oryn -700 USD; Ekinshi oryn-400 USD; Úshinshi oryn – 200 USD (árqaısysy).Jarystyń jeńimpazdary men júldegerleri tıisti dárejedegi medaldar men dıplomdarmen marapattalady.
Aıta ketsek, Halyqaralyq týrnır IBA jarystarynyń tehnıkalyq erejelerine sáıkes ótedi. Jekpe-jek 3 mınýtqa sozylatyn úsh raýndtan turady, raýndtar arasynda bir mınýttyq úzilis bolady. 10 upaılyq IBA upaı júıesi qoldanylady.
Qazaqstan quramasy sapynda Olımpıada oıyndarynyń jeńimpazdary, álem, Azııa jáne basqa da halyqaralyq jarystardyń chempıondary men júldegerleri qatysady.