Memleket basshysy Qasym-Jomart Toqaev shetelden ákelingen kólikterdiń jaǵdaıdy kúrdelendirip jibergennin aıtyp, máseleni sheshýdi tapsyrdy, dep habarlaıdy Egemen.kz.
«El aýmaǵyna retsiz ákelingen sheteldik kólikter de joldaǵy jaǵdaıdy ýshyqtyryp jiberdi. Olar tirkeýsiz júrdi. Mundaı kólikterdi tizgindegen júrgizýshiler jol júrý erejesin óreskel buzdy jáne kóbine jazasyz qaldy. Qazir meniń tapsyrmam boıynsha bul kólikterdiń máselesin quqyqtyq turǵyda retteý úshin zańdastyrý jumystary júrgizilip jatyr», dedi Prezıdent.
Memleket basshysy bundaı zańsyzdyqtarǵa IIM ókilderiniń de qatysy baryn atap ótti. Sondaı-aq ádiletti júıeni qalyptastyrý úshin zańsyzdyqtarǵa jol berilmeýi kerek ekenin aıtty.
«Ýákiletti memlekettik organdardyń ústirt sheshimi osyndaı kólikterdiń elge jappaı ákelinýine sebepshi boldy. Endi jiberilgen olqylyqtardy túzeýge májbúr bolyp otyrmyz. Onyń ishinde Ishki ister mınıstrliginiń de qatelikteri bar. Budan bólek, sheteldik kólikterdi ákelýmen jáne ony esepke qoıýmen aınalysatyn qylmystyq shemalar paıda boldy. Oǵan polısııa qyzmetkerleriniń de qatysy bar. Ádiletti ári quqyqtyq memlekette búkil quqyq qorǵaý júıesiniń atyna kir keltiretin mundaı zańsyzdyqtarǵa jol berilmeýi kerek.
Sondyqtan quqyq qorǵaý organdary osy saladaǵy mamandarmen jáne azamattyq belsendilermen birlesip, atalǵan máselemen jan-jaqty aınalysýy kerek», dedi Qasym-Jomart Toqaev.