«Terekti - taza sý» laýazymdy tulǵalary bıýdjet qaratyn jymqyrǵany úshin sottaldy, dep habarlaıdy Egemen.kz ANTIKOR-dyń baspasóz qyzmetine silteme jasap.
«Terekti aýdandyq sotymen «Terekti-taza sý» memlekettik kásipornynyń laýazymdy tulǵalaryna qatysty úkim jarııalandy. Sot úkimimen kásiporyn dırektory 7,5 jylǵa jáne bas býhgalter 7 jylǵa bas bostandyǵynan aıyryldy. Ekeýi de ózine jáne uıym qyzmetkerlerine jalaqyny artyq aýdarý, sondaı-aq jetkizýshilerge naqty oryndalmaǵan jumystar úshin bıýdjet qarajatyn negizsiz aýdarý arqyly 162 mıllıon teńge somasynda bıýdjet qarajatyn jymqyrdy dep aıyptaldy», delingen habarlamada.
Sottalǵandar ómir boıy memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda laýazymdardy atqarý quqyǵynan aıyryldy.
Sot úkimi zańdy kúshine engen joq.