Televızııalyq sheberlik salasyndaǵy «Tumar-2023» ulttyq televızııalyq báıgesi 12 nomınasııa boıynsha baıqaý ótkizedi, dep habarlaıdy Egemen.kz Aqparat jáne qoǵamdyq damý mınıstrliginiń baspasóz qyzmetine silteme jasap.
Baıqaýdyń basty maqsaty - kásibı qoǵamdastyqtyń baǵalaý prızmasy arqyly qazaqstandyq televızııalyq ındýstrııany damytýdy yntalandyrý jáne onyń básekege qabilettiligin kórsetý.
2023 jyly báıgege qatysý úshin 300-ge jýyq ótinim kelip tústi, eń kóp ótinim «Úzdik telejúrgizýshi», «Úzdik telejýrnalıst», «Úzdik áleýmettik joba» nomınasııalary boıynsha qabyldandy. «Tumar» ulttyq baıqaýyna respýblıkalyq jáne aımaqtyq telearnalar, stýdııalar jáne kásibı televızııalyq kontent shyǵaratyn kompanııalar qatysty.
Bıyl alǵash ret «Úzdik sport kommentatory» jáne «Úzdik jýrnalıstik zertteý» nomınasııalary boıynsha jýrnalıster óz baǵyn synaıdy.
Marapattaý rásimi qarsańynda qazylar alqasynyń músheleri syılyqtyń praıs-lıstine engen 48 úmitkerdi jarııalady.
Esterińizge sala keteıik, «Tumar» ulttyq báıgesiniń marapattaý rásimi 4 shildede Astana qalasynyń «Qazmedıa ortalyǵynda» ótedi.