Astanada ortasha jóndeý jumystaryna baılanysty Aınakól jáne Máskeý kósheleriniń keı ýchaskelerinde kólik qozǵalysy tolyǵymen jabyldy, dep habarlaıdy Egemen.kz.
Qalalyq PD ákimshilik polısııa basqarmasynyń kelisimi boıynsha jóndeý jumystary júrgizilýine baılanysty:
3-5 shilde aralyǵynda Máskeý kóshesiniń Beketaı kóshesinen Potanın kóshesine deıingi ýchaskesinde kólik qozǵalysy tolyǵymen jabylady;
3-4 shilde aralyǵynda Aınakól kóshesi boıynsha M. Tólebaev kóshesinen Abylaı han dańǵylyna deıingi jol jabyldy.
Basqarma elorda turǵyndary men qonaqtaryn qala joldarynda keptelis týdyrmas úshin qozǵalys baǵytyn aldyn ala josparlaýǵa shaqyrdy.