Memleket basshysyna ótken jartyjyldyqta sot júıesiniń atqarǵan jumysynyń qorytyndylary týraly málimet berildi, dep habarlaıdy Egemen.kz Aqordanyń baspasóz qyzmetine silteme jasap.
Aslambek Merǵalıev qylmystyq prosestegi taraptardyń jaryspalylyǵy men teń quqylyǵy qaǵıdatyn júzege asyrýǵa, qamaýǵa alýdyń balamaly joly retinde bultartpaý sharalaryn qoldaný aıasyn keńeıtýge, sot isin júrgizýdi bıýrokratııadan aryltýǵa, birizdendirýge jáne onyń ashyqtyǵyn qamtamasyz etýge baǵyttalǵan zańnamalyq bastamalar týraly aıtty.
Sonymen qatar Prezıdentke ıývenaldy sottardyń quzyretin keńeıtý jáne sot aktisiniń kúshi joıylǵan kezde isti birinshi satydaǵy sotqa qaıtarmaı, apellıasııanyń tıisti sheshim qabyldaýy týraly prosessýaldyq normalardy durys qoldaný jóninde baıandaldy. Bul jańa normalar qaǵazbastylyqty, sýdıanyń qatelik jiberý jaǵdaılaryn azaıtyp, azamattardyń buzylǵan quqyǵyn tez arada qalpyna keltirýge oń septigin tıgizýge tıis.
Memleket basshysy adam quqyqtarynyń sotta qorǵalýyn qamtamasyz etý qajettigine jáne ádil sot júıesine senimdi arttyratyn negizgi faktor retinde sottardyń táýelsizdigine aıryqsha nazar aýdardy.