Memleket basshysy Shanhaı yntymaqtastyq uıymynyń halyqaralyq bedeli joǵary ekenin nazarǵa alyp, búginde tabysty ári kópjaqty uıymǵa aınalǵanyn erekshe atap ótti, dep habarlaıdy Egemen.kz Aqordanyń baspasóz qyzmetine silteme jasap.
Jıyn barysynda Prezıdent álemdik IJО́-niń tórtten biri, dúnıejúzilik saýdanyń 15 paıyzy ShYU memleketteriniń úlesine tıesili ekenin eske saldy.
«Saıası yqpaly zor, ekonomıkalyq múmkindigi mol jáne orasan zor adam resýrsyna ıe ShYU ornyqty damý maqsattaryna qol jetkizýge jáne adamzattyń zamanaýı syn-qaterlerin eńserýge eleýli qosa alatynyna senimdimin.Jahandyq tártipti túbegeıli transformasııalaý jaǵdaıynda buryn-sońdy bolmaǵan geosaıası shıelenistiń, saýda jáne sanksııalyq soǵystardyń, sondaı-aq basqa da zamanaýı syn-qaterlerdiń kúsheıe túskenine kýá bolyp otyrmyz.Halyqaralyq quqyq negizderi men onyń mańyzdy qaǵıdatynyń, ıaǵnı teńdeı, birlesken, bólinbeıtin, keshendi jáne turaqty qaýipsizdiktiń buzylýy qalypty jaǵdaıǵa aınaldy», dedi Memleket basshysy.