Qazaqstanda kúrish qymbattaı ma?

Erbol Qarashókeev elde kúrish egý kólemi qysqarmaıtynyn, sondaı-aq aldaǵy ýaqytta kúrish óniminiń tómendeýi boljanbaıtynyn alǵa tartty. «Biz ózimizdi kúrishpen tolyqtaı qamtamasyz etemiz, ónimniń bir bóligin shetelge de eksporttaımyz. El azamattaryna kúrish jetpegen jaǵdaıda baǵasy kúrt ósedi dep boljap otyrǵan joqpyz. Bıyl kúrish ýaqytyly egildi, ónim jaqsy bolady dep otyrmyz», dedi mınıstr.

Dese de mınıstr kúrish baǵasy qandaı deńgeıde bolatynyn aıtpady.

«Bul suraqqa eshkim naqty jaýap bere almaıdy. Jyl saıyn qansha jınap júrmiz, sonsha jınaımyz. Eksportqa kóp shyǵarylmaıdy. Osyǵan baılanysty eldegi jalpy ınflıasııa aıasynda baǵa sál kóterilýi múmkin», dedi Erbol Qarashókeev.