Senat Tóraǵasy Máýlen Áshimbaev Japonııa Parlamentiniń Qazaqstanmen dostyq lıgasynyń tóraǵasy Toshıakı Endo bastaǵan Japonııa Parlamenti depýtattarynyń delegasııasymen kezdesti. Kezdesýde taraptar parlamentaralyq yntymaqtastyqty odan ári nyǵaıtý máselelerin talqylady, dep habarlaıdy Egemen.kz Senattyń baspasóz qyzmetine silteme jasap.
О́z sózinde Máýlen Áshimbaev Japonııa Qazaqstannyń Azııa-Tynyq muhıty óńirindegi mańyzdy saıası jáne ekonomıkalyq seriktesteriniń biri ekenin atap ótti.
Sondaı-aq Palata Spıkeri Japonııa Parlamentiniń Qazaqstanmen dostyq lıgasynyń jumysyn joǵary baǵalap, parlamentaralyq yntymaqtastyqty halyqaralyq uıymdar aıasynda da arttyrýdyń mańyzdy ekenin tilge tıek etti.
Suhbat barysynda saýda-ekonomıkalyq jáne ınvestısııalyq yntymaqtastyq máseleleri de sóz boldy. Odan bólek, taraptar dekarbonızasııa, sıfrlandyrý, sırek metaldardy óndirý, aýyl sharýashylyǵy, logıstıka sııaqty salalarda birlesken jobalardy iske asyrýǵa múddelilik tanytty.
Senat Spıkeri elimizde Memleket basshysynyń bastamasymen iske asyrylyp jatqan reformalardyń mańyzyna da toqtalyp ótti.
Sonymen qatar Máýlen Áshimbaev Álemdik jáne dástúrli dinder lıderleri Seziniń qyzmetine nazar aýdaryp, dinı forýmǵa kórsetken qoldaýy men oǵan belsene qatysyp kele jatqany úshin japon tarapyna alǵys bildirdi.
О́z kezeginde Toshıakı Endo Qazaqstanda júrgizilip jatqan saıası ózgeristerdiń tıimdiligin jáne jan-jaqty ózara is-qımyldy arttyrýdyń mańyzdy ekenin aıtty.