Medısınalyq týrızm ortalyǵynyń múmkindigi

Sessııa aıasynda Qazaqstanda­ǵy medısınalyq týrızmniń qazir­gi ahýaly, onyń damý perspektıvasy men problemalary jáne atalǵan baǵyttaǵy kóshbasshy elderdiń tájirıbesi talqylandy. Qazaqstan medısınalyq týrızm qaýymdastyǵynyń prezıdenti Krıstına Krıvestiń aıtýynsha, «University Medical Center» (UMC) Korporatıvti qory aıasynda Astanada medısınalyq týrızm klasteri quryldy.

«Oǵan JCI akkredıtasııasynan ótken klınıkalar endi. Aıta keteıin, JCI – AQSh-ta ázirlen­gen, densaýlyq saqtaý sapasy­nyń joǵarǵy deńgeıin rastaıtyn standart. Qazir Astanadaǵy medısınalyq týrızm kartınasy aıtarlyqtaı ózgerdi. Buryn bizge negizinen Qyrǵyzstan, О́z­bek­stannan adamdar em alýǵa kel­se, qazir emdelýshiler Reseı­den de kele bastady. Alys she­tel­derden stomatologııa jáne re­prodýktıvti medısına qyz­met­terin paıdalanǵysy kelgen aza­mattar at basyn burady. Bizge kelip em qabyldap jatqan elder qatarynda Shveısarııa, AQSh, Birikken Arab Ámirlikteri, Aýstralııa jáne Afrıka elderi bar», deıdi K.Krıves.

Onyń málimdeýinshe, JCI bo­ıynsha akkredıtasııa – aıtar­lyq­taı qymbat prosedýra. Me­dı­sınalyq mekemede barlyq halyq­aralyq talapqa saı keletin qyzmetti kórsete alatyndaı bıýdjet bolýǵa tıis.

«Sheteldik emdelýshiler tek em úshin ǵana emes, sonymen bir­ge jaıly jaǵdaı, kúshti ser­vıs úshin de keledi. Olar qaýip­sizdik pen sapa standartta­ryna saı keletin, sonymen qatar aǵylshyn tilinde qyzmet kórsetiletin mem­lekettik jáne jeke klınıkalardy tańdaıdy. Astananyń me­dısınalyq klasterinde kar­dıo­hırýrgııa, neırohırýrgııa, reprodýktıvti medısına, ba­la­lardy saýyqtyrý sııaqty ba­ǵyttar jaqsy damyǵan. Sondaı-aq memlekettik sektorǵa qatyssyz stomatologııa jáne plastıkalyq hırýrgııa baǵytyn da atap ótken jón», dedi ol.

Jalpy, 2022 jyly elimizge 5 myń adam em alý úshin jáne dıagnostıkadan ótý úshin kelgen. Bıyl shamamen 8 myń adam keledi dep kútilip otyr.

«Eger biz neırohırýrgııa tý­raly aıtar bolsaq, birinshi bolyp «Vanadis» tehnologııasy – Or­talyq Azııadaǵy jalǵyz gam­ma-pyshaq aýyzǵa iligedi. Bul degenimiz – ınvazıvti emes prenataldy skrınıng, ol jerde analar plasentany tespeı-aq genetıkalyq aýytqýlardyń bar-joǵyn anyqtaı alady. Al dıagnos­tıka, qyzmet quny tý­raly aıtar bolsaq, onda Re­seıge qaraǵanda 1,5 ese tómen baǵa­da qyz­met kórsete alamyz. Germanııa, Izraılmen salys­tyrǵanda bizde dıagnostıkadan ótý, emdelý 3 ese arzanǵa shy­ǵady», dedi K.Krıves.

Jalpy alǵanda, mamandar Astananyń medısınalyq týrızm ortalyǵyna aınalyp kele jatqanyn jáne oǵan tolyqqandy múmkindigi bar ekenin de aıta­dy. Qazir bas shaharda jet­ki­likti áleýet bar – joǵary teh­no­logııalyq qurylǵylarmen jab­dyqtalǵan, halyqaralyq stan­darttarǵa saı, baǵasy qoljetimdi, qyzmet spektri aýqymdy jáne qyzmet kórsetý deńgeıi joǵary klınıkalar sany kóbeıip keledi.

«Qazaqstan árqashan bizdiń ma­ńyzdy seriktesimiz boldy. Me­­nińshe, munyń bir sebebi ha­lyq­­tyń osynda sapaly medısı­nalyq kómek alýy jáne sonyń nátıjesinde medısınalyq týrıs­terdi tartý úshin memleket tarapynan kadrlarǵa ınvestısııa quıýy dep oılaımyn. Munda mamandar Eýropadan, tipti Amerıkadan kelip jatyr. Nege, sebebi – mun­da aıtarlyqtaı arzan, onyń ústine medısına túsinikti, belgili, JCI akkredıtasııasy bar, bul – eń mańyzdy álemdik akkredıtasııa. Sondyqtan Qazaqstannyń medısınalyq týrızm ortalyǵy atanbaýyna eshqandaı kedergi keltirerlik sebep joq», dep pikirin bildirdi Izraıldegi me­dısınalyq ortalyqtyń bas dırektory Natalıa Meleh.

Qazir elimizde JCI standartymen jumys isteıtin 9 klınıka bar. Tek sonyń bireýi ǵana – jekemenshik. K.Krıvestiń aıtýyn­sha, qazir otandyq medısınaǵa jaqsy promoýshen jetispeı tur. Aldaǵy ýaqytta qaýymdastyq medısınalyq uıymdarmen ti­ze qosyp jumys istep, eldegi medısınalyq qyzmet sapasyn odan ári arttyrýǵa, aqparatty meı­linshe keńinen taratyp, shet­eldikterdiń de senimin oıatýǵa kúsh salmaq.