Astanada Ailand otbasylyq demalys ortalyǵynyń janynda jańa attraksıondar parki ashyldy. Is-sharanyń qurmetine oraı arnaıy konsert ótkizildi, dep habarlaıdy Egemen.kz qala ákimdiginiń resmı saıtyna silteme jasap.
Saıabaqta karýsel, neshe túrli mashınalar arqyly kóńil kóterýge bolady, sonymen qatar balalardyń sýmen oınaýyna da múmkindik qarastyrylǵan.
Attraksıondardyń janynda demalýǵa jáne tamaqtanýǵa arnalǵan kóleńkeli oryndyqtary bar jasyl aımaq ornalasqan. Saıabaq úsh jastan asqan balalarǵa arnalǵan. Saltanatty ashylǵannan keıin jumysyna birden kiristi. Jaz mezgili aıaqtalǵanǵa deıin kún saıyn saǵat 10.00-den 22.00-ge deıin jumys isteıdi.«Jańa oıyn-saýyq alańy búgin 25 jyldyǵy atap ótilip jatqan qalamyzdyń bir bóligi bolady. Elorda turǵyndary men qonaqtaryn quttyqtaımyn jáne saıabaqtyń ashylýyna oraı ótetin konsertte ýaqytty kóńildi ótkizýdi tileımin!», dedi Nura aýdany ákiminiń orynbasary Sársenǵalı Aqjolov. Jıylǵan jurttyń aldynda mýzykalyq ansamblder, shyǵarmashylyq stýdııalar ınteraktıvti oıyndar ótkiziledi. Konsert keshki saǵat 21:00-de bı keshimen aıaqtalady.