Keshe otyryp oınaıtyn voleıboldan Azııa chempıonatynyń jartylaı fınalynda Qazaqstan quramasy Qytaı komandasyn 3:2 esebimen jeńip, kelesi jyly Parıjde ótetin Paralımpıada oıyndaryna joldama aldy. Bul týraly Mádenıet jáne sport mınıstri Ashat Oralov Telegram kanalynda jazdy, dep habarlaıdy Egemen.kz.
Qurlyq birinshiliginiń fınaldyq oıyny 8 shilde kúni saǵat 16.30-da ótedi. Qazaqstan quramasy Irannan kelgen voleıbolshylarǵa qarsy altyn medal men Azııa chempıony ataǵy úshin óner kórsetedi. Kezdesý Jaqsylyq Úshkempirov atyndaǵy jekpe-jek saraıynda ótedi.- Esterińizge sala keteıin, sońǵy ret paravoleıboldan Qazaqstan quramasy 1996 jyly Paralımpıada oıyndarynda óner kórsetken bolatyn. Parıjde ótetin oıyndarǵa joldamany Azııa qurlyǵynyń 7 úzdik erler komandasy sarapqa saldy, - dep jazdy mınıstr Telegram kanalynda.