Bul týraly Memleket basshysy Elordany damytý máseleleri jóninde ótkizgen keńes barysynda aıtty, dep habarlaıdy Egemen.kz.
«Elordany damytýǵa qatysty barlyq máseleni jan-jaqty oılastyryp sheshý mańyzdy. Ol úshin «Astananyń mártebesi týraly» zańǵa shuǵyl túrde tıisti ózgerister engizý qajet. Zań arqyly ákimdiktiń quzyreti men jaýapkershiligin kúsheıtý kerek», dedi Memleket basshysy.
Sondaı-aq Prezıdenttiń aıtýynsha, Astana turaqty damý úshin ony tıimdi ári sapaly basqarý qajet.
«Astanany órkendetý úshin, eń aldymen, ákimdik, kásipkerler jáne turǵyndar arasynda senimdi seriktestik ornatý qajet. Basty mindet – árbir azamattyń turmys sapasyn jaqsartý. Osyny durys túsingen jón», dedi el Prezıdenti.