Dollardyń teńgege shaqqandaǵy baǵamy taǵy arzandady, dep habarlaıdy Egemen.kz Qazaqstan qor bırjasynyń (KASE) málimetterine silteme jasap.
Kúndizgi saýdanyń nátıjesinde dollardyń ortasha saralanǵan baǵamy 0,60 teńgege tómendep, 440,55 teńgeni qurady. Aıta keteıik, Ulttyq banktiń 12 shildedegi bir dollarǵa arnalǵan resmı baǵamy 441,11 teńgeni quraıdy.
Kurs.kz habarlaǵandaı, dál qazir Astananyń aqsha aıyrbastaý oryndarynda amerıkalyq valıýta orta eseppen 442,08 teńgeden satyp alynyp, 446,23 teńgeden satylyp jatyr. Almatynyń aqsha aıyrbastaý oryndarynda dollardy ortasha satyp alý – 443,33 teńge, satý – 445,94 teńge.