QR Ishki ister mınıstrligi osy jyldyń 18 maýsymynda Astanadaǵy saýda ortalyqtarynyń birinde qoǵamdyq tártip buzylyp, kelýshilerdiń biri ekinshisin urǵanyn eske saldy.
«Qazirgi ýaqytta osy fakt boıynsha QR QK-niń 293-babymen (Buzaqylyq) sotqa deıingi tergeý bastaldy, ol 5 jylǵa deıin bas bostandyǵynan aıyrýdy kózdeıdi», delingen habarlamada.
Vedomstvo Ishki ister organdary barlyq qajetti jedel-tergeý is-sharalaryn júrgizip jatqanyn, sonyń qorytyndysy boıynsha quqyqtyq baǵa beriletinin atap ótti.
Aıta keteıik, birneshe kún buryn áleýmettik jelide bir er adam bala ustap otyrǵan ekinshi azamatqa tap berip, birneshe ret soqqyǵa jyqqany beınelengen vıdeo taraǵan edi. Keıin judyryq ala júgirgen adam bokstan burynǵy álem chempıony Beıbit Shúmenov ekeni anyqtaldy. Biraz ýaqyt ótkennen keıin sportshy óziniń jelidegi paraqshasynda oqıǵanyń mán-jaıyn aıtyp, balalar arasyndaǵy janjal ákelerdiń tóbelesine ulasqanyn aıtty.