Ormanshylardyń, órt sóndirýshilerdiń jáne jergilikti atqarýshy organdardyń birlesken kúshimen Cherno-Ýbınsk orman sharýashylyǵynda órttiń 7 gektar alańy oqshaýlandy, dep habarlaıdy Egemen.kz.
Shyǵys Qazaqstan oblysy Tótenshe jaǵdaılar departamentiniń habarlaýynsha, órtti sóndirý kezinde qatty tútin qıyndyq týǵyzǵan. О́rt ornyna ShQO ákimdigi avıabóliminiń Mı-8 tikushaǵymen órt sóndirýshiler, ormanshylar jáne Qazavıaqorǵaý desanty jetkizildi.
«Ottyń taralýyn joǵarydan Qazavıaqutqarý tikushaǵynyń ushqyshtary baqylap otyrdy jáne desantshylarǵa janý jıeginiń dál koordınattaryn berdi. Bul tútinge qaramastan órtti qorshaýǵa jáne onyń úlken aýmaqqa taralýyna jol bermeýge kómektesti. О́rtti sóndirýge ShQO orman sharýashylyǵy men TJD-dan 72 adam, 4 birlik tehnıka, ShQO avıabólimshesiniń MI-8 jáne MI-2, Qazavıaqorǵaý tikushaqtary jumyldy», delingen habarlamada.