Astana men Qostanaıda jalǵan AQSh dollary satylǵany anyqtaldy, dep habarlaıdy Egemen.kz Qarjylyq monıtorıng agenttiginiń baspasóz qyzmetine silteme jasap.
«Sharapıev S. esimdi kúdikti jalǵan valıýta taýyp ákelýmen aınalyssa, Jakýpov T. men Shaımerdınov A., Qostanaı oblysynyń aýmaǵynda, erli-zaıypty Berdimuratovtar Astana aýmaǵynda taratýdy júzege asyrǵan.
30 000 jalǵan dollardyń 28 600-i sotqa deıingi tergeý barysynda anyqtalyp, tárkilendi», delingen QMA baspasóz qyzmeti taratqan habarlamada.
Ustalǵan azamattarǵa «Jalǵan aqsha nemese baǵaly qaǵazdar jasaý, saqtaý, alyp ótý nemese ótkizý» babymen, sondaı-aq «Alaıaqtyq» baby boıynsha aıyp taǵylyp otyr.
Sot úkimimen Sharapıev S. eń tómengi qaýipsizdik mekemesinde 5,5 jylǵa bas bostandyǵynan aıyrý jazasyna, Shaımerdınov A. men Jakýpov T. ortasha qaýipsizdik mekemesinde 5,5 jylǵa deıin, Berdimuratovtar jubaılary shartty túrde 5 jyl 2 aıǵa bas bostandyǵynan aıyryldy.