Astanada jekemenshik jataqhanadan shyqqan órt sóndirilip, 60 adam evakýasııalandy, dep habarlaıdy Egemen.kz Tótenshe jaǵdaılar mınıstrliginiń Telegram paraqshasyna silteme jasap.
23 shilde kúni saǵat 21.57-de Astana qalasy Tótenshe jaǵdaılar departamentiniń О́rt sóndirý bólimsheleri Kóktal aýdanynda jataqhana janyp jatqany týraly habarlama alyp, oqıǵa ornyna jetti. О́rt 2-qabattaǵy bólmede 20 sharshy metr aýmaqta shyqqan. Tilsiz jaý tez taralyp, órt sóndirýshiler qoıý tútin arasynda jumys istegen.
Elordalyq órt sóndirýshilerdiń kúshimen ıindi úsh kótergish arqyly 2 adam qutqaryldy, 60 turǵyn evakýasııalandy. Turǵyndardy ornalastyrý máselesin jataqhana ıesi sheshedi.
TJD kúshterimen tilsiz jaý saǵat 22.28-de oqshaýlanyp, 22.48-de sóndirilgen.
Zardap shekkender men qaza bolǵandar tirkelmegen.