Qazaqstan sınoptıkteri 27-29 shildege arnalǵan aýa raıy boljamyn usyndy, dep habarlaıdy Egemen.kz.
«Qazgıdromet» RMK málimeti boıynsha, 27 shildede ońtústik-shyǵysta, 27-28 shildede batysta, ońtústik-batysta, 28-29 shildede respýblıkanyń soltústik-batysynda aptap ystyq bolady. Aýa temperatýrasy +40+43 gradýsqa deıin jetedi.
«Aldaǵy táýlikterde atmosferalyq bólikterdiń ótýi áserinen Qazaqstannyń basym bóliginde aýa raıy turaqsyz bolady. Naızaǵaı oınap, ekpindi jel soǵady. 28 shildede soltústikte, 28-29 shildede shyǵysta, ońtústik-shyǵysta qatty jańbyr, burshaq jaýady. Sonymen qatar burqasyn soǵýy yqtımal», delingen habarlamada.
Aıta ketsek, bıylǵy jaz Qazaqstannyń barlyq derlik óńirine kópten beri bolmaǵan aptap ystyqty ákeldi.