Sybaılas jemqorlyqqa qarsy qyzmet QR Bas prokýratýrasy men Interpoldyń kómegimen Birikken Arab Ámirlikterinen Qazaqstanǵa halyqaralyq izdeýde júrgen «Operator ROP» JShS-nyń burynǵy quryltaıshysy Sh. Muqtarovany ekstradısııalady, dep habarlaıdy Egemen.kz ANTIKOR telegram arnasyna silteme jasap.
Ol «Operator ROP» JShS bas dırektory S. Korotenkomen birge 920 mln teńge jymqyrdy dep aıyptaldy.
Osy jyldyń 27 shildesinde saǵat 19:01-de Muqtarova Astana qalasynyń áýejaıynyń aýmaǵynda ustalyp, tergeý ızolıatoryna qamaldy.Sotqa deıingi tergeý jalǵasýda.Qylmystyq-prosestik kodeksiniń 201-babyna sáıkes ózge aqparat jarııa etýge jatpaıdy.Konstıtýsııanyń 77-baby 3-tarmaǵynyń 1-tarmaqshasyna jáne Qylmystyq-prosestik kodeksiniń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.