Semeı qalasynyń Ozerkı aýyldyq okrýginde Forel sharýashylyǵy iske qosyldy. Atalǵan sharýashylyqta sýmen qamtamasyz etýdiń tuıyq sıkldi tehnologııasy qoldanylady, dep habarlaıdy Egemen.kz.
Menshik ıesi bıylǵy jyly modýldi úlgidegi úı-jaı salyp, arnaıy jabdyqtar men balyq baptaýǵa arnalǵan konteınerler satyp alǵan. Kásipkerdiń keleshektegi jospary - basseınderde foreldi ósirip, kóbeıtý.
«Úkimettiń qaýlysymen bekitilgen balyq sharýashylyǵyn damytýdyń 2021-2030 jyldarǵa arnalǵan memlekettik baǵdarlamasy aıasynda alǵash ret iske qosylǵan forel sharýashylyǵyna Abaı oblysynyń Tabıǵı resýrstar jáne tabıǵat paıdalanýdy retteý basqarmasy ókilderi baryp, zańnamaǵa sáıkes balyq sharýashylyǵy sýbektilerine memleket tarapynan jasalatyn qoldaý sharalary týraly túsinikteme berdi», delingen Abaı oblysy ákimdiginiń aqparatynda.