Almaty oblysy TJD kezekshi bólimine Esik ózeninde sý deńgeıiniń kóterilýi saldarynan Eńbekshiqazaq aýdanynyń Rahat aýyldyq okrýginde saıajaı mańyndaǵy aralda 2011, 2012 jylǵy eki balanyń qalyp qoıǵany týraly habarlama kelip tústi, dep habarlaıdy Egemen.kz.
Oblystyq TJ departamentiniń qyzmetkerleri birden oqıǵa ornyna jiberilgen.
«Qutqarýshylar toby serýenge shyǵyp, úılerine óz betinshe orala almaǵan balanyń birin órt sóndirýshi-qutqarýshy Rýslan Alpysbaev, ekinshisin №3 órt sóndirý bóliminiń júrgizýshisi Baǵjan Orazymbetov kóterip alyp shyqty. Balalarǵa medısınalyq kómek qajet bolmady», delingen oblystyq TJD málimetinde.
Almaty oblysy TJD kámeletke tolmaǵan balalardy qaraýsyz qaldyrmaýlaryńyzdy suraıdy.