Beıresmı kezdesý

Qaýymdastyqtar arasyndaǵy yn­tymaqtastyqty nyǵaıtý jáne bir­lesken jobalardy júzege asy­rýdyń negizgi máselelerin talqylaýǵa baǵyttalǵan basqosýǵa Qazaqstan fýtbol federasııasynyń prezıdenti Ádilet Barmenqulov, Qyrǵyz fýtbol odaǵynyń prezıdenti Mederbek Sydyqov, Túrikmenstan fýtbol fe­de­rasııasynyń prezıdenti Arslan Aınazarov jáne О́zbekstan fýt­bol qaýymdastyǵynyń birinshi vıse-prezıdenti Ravshan Irmatovtyń qatysýymen ótti.

Kezdesýde taraptar ár fýtbol qa­ýym­dastyǵynyń damýynyń negizgi fak­­torlary sanalatyn ınfraqu­rylymdy jaqsartý, kadrlyq resýrstardy ulǵaıtý jáne jetkilikti qarjylandyrýdy qamtamasyz etý, sondaı-aq ár qaýymdastyqtyń tabysty bolýy ózara jemisti ynty­maqtastyqtyń kepili ekenin atap ótti.

Sonymen qatar taraptar fýtbolshylar men tóreshilerdiń oqý-jattyǵý jıyndaryn ótkizýge qajetti ın­fra­qurylymdy salý boıynsha ózara tıimdi jobalardy júzege asyrý jó­ninde pikir almasty. Kezdesýge qa­tysýshylar ártúrli halyqaralyq týrnırlerdi, onyń ishinde ár jas sanatyndaǵy komandalar arasyndaǵy álem birinshilikterin, sondaı-aq fýtboldan álem chempıonatyn birlesip uıymdastyrýdyń sharttary men ere­jeleriniń talaptaryn talqylady.

Jıynǵa qatysýshylar bir-birine turaqty aqparat pen tájirıbe almasýdy qamtıtyn jan-jaqty qoldaý kórsetýdi jalǵastyrýǵa nıetti eke­nin jetkizdi. Kezdesý barysynda bir­lestikterdiń barlyq jetekshileri yntymaqtastyqty jańa deńgeıge kóterýge daıyn ekendikterin bildirdi.

Kezdesý nátıjesi boıynsha jumys toby qurylyp, sol arqyly fýtbol­dyń damý dınamıkasyn jaqsartý bo­ıynsha jumys bastalady. Aıta ketý kerek, fýtbol qaýymdastyqtary­nyń yntymaqtastyǵy fýtboldy damytý máselelerinde memleketaralyq deńgeıde qarym-qatynastardy odan ári nyǵaıtýǵa yqpal etýge tıis.