Úkimet 27 shildedegi qaýlyǵa sáıkes mereke kúnderiniń tizbesin jańa redaksııada bekitti, dep habarlaıdy Egemen.kz.
- «Qazaqstan Respýblıkasyndaǵy merekelik kúnderdiń tizbesin bekitý týraly» Qazaqstan Respýblıkasy Úkimetiniń 2017 jylǵy 31 qazandaǵy № 689 qaýlysyna mynadaı ózgeris engizilsin: kórsetilgen qaýlymen bekitilgen Qazaqstan Respýblıkasyndaǵy merekelik kúnderdiń tizbesi osy qaýlyǵa qosymshaǵa sáıkes jańa redaksııada jazylsyn, dep jazylǵan Úkimet qaýlysynda.
Qosymshaǵa sáıkes jańa tizimde 19 mereke bar:
1. Aýǵanstan Demokratııalyq Respýblıkasynan Keńes áskerleriniń shekteýli kontıngentiniń shyǵarylǵan kúni – 15 aqpan;
2. Alǵys aıtý kúni – 1 naýryz;
3. Analar kúni – mamyrdyń ekinshi jeksenbisi;
4. Saıası qýǵyn-súrgin jáne asharshylyq qurbandaryn eske alý kúni – 31 mamyr;
5. Qazaqstan Respýblıkasynyń memlekettik rámizderi kúni – 4 maýsym;
6. Ákeler kúni – maýsymnyń úshinshi jeksenbisi;
7. Ulttyq dombyra kúni – shildeniń birinshi jeksenbisi;
8. Abaı kúni – 10 tamyz;
9. Sport kúni – tamyz aıynyń úshinshi jeksenbisi;
10. Semeı ıadrolyq synaq polıgonynyń jabylatyn kúni – 29 tamyz;
11. Bilim kúni – 1 qyrkúıek;
12. Otbasy kúni – qyrkúıektiń ekinshi jeksenbisi;
13. Qazaqstan halqy tilderi kúni – 5 qyrkúıek;
14. Eńbek kúni – qyrkúıektiń sońǵy jeksenbisi;
15. Qarttar kúni – 1 qazan;
16. Nan kúni – 16 qazan;
17. Energııany únemdeý kúni – 11 qarasha;
18. Ulttyq valıýta – teńge kúni – 15 qarasha;
19. Qazaqstan Respýblıkasynyń Tuńǵysh Prezıdenti kúni – 1 jeltoqsan.
Aıta keteıik, bul merekelik tizimnen barlyq kásibı merekeler alyndy.
Degenmen merekelik kúnder Ákeler kúnimen tolyqtyryldy.