Selınograd aýdanynyń Qarajar aýylynan 8 shaqyrym jerde qamys órtendi, dep habarlaıdy Egemen.kz Aqmola oblystyq TJD baspasóz qyzmetine silteme jasap.
Vedomstvonyń málimetinshe, órt 2 tamyzda saǵat 17:09 shamasynda tutanǵan. Qyzyl jalyn 4 gektar aýmaqty sharpyǵan.
«Tilsiz jaýdy aýyzdyqtaýǵa Aqmola oblysy TJD jeke quramynan 10 adam jáne 1 órt sóndirý tehnıkasy, Astana qalasy TJD-nan 20 adam jáne 5 tehnıka jumyldyryldy. О́rt 3 tamyzda saǵat 03:50-de sóndirildi. Qazirgi kezde órttiń shyǵý sebepteri anyqtalýda», dedi vedomstvodan.
Aqmola oblysynyń TJD qyzmetkerleri azamattarǵa órt qaýipsizdigi erejelerin saqtaý qajettigin eskertedi.