Qostanaıdyń «Tobyly» ÝEFA Konferensııa Lıgasynyń ekinshi irikteý kezeńi aıasynda óz alańynda Shveısarııanyń «Bazel» komandasyn qabyldaıdy, dep habarlaıdy Egemen.kz.
Kezdesý qarsańynda «Tobyl» fýtbol klýbynyń bas jattyqtyrýshysy Mılıch Chýrchıch pen jartylaı qorǵaýshy Ramazan Orazov jýrnalıstermen kezdesip, komandanyń jaýapty matchqa daıyn ekenin málimdedi.
«Aldymyzda asa jaýapty kezdesý kútip tur. Qarsylasymyz – Eýrokýbok oıyndaryna jyl saıyn qatysyp júrgen óte myqty komanda. Byltyr jartylaı fınalda oınady. «Bazeldiń» quramynda 3 jarym - 4 mln eýro turatyn fýtbolshylar oınaıdy. Bizge aldaǵy oıyn birinshi kezdesýden eki ese aýyr tıedi. О́ıtkeni «Bazel» bul joly tas túıin daıyndyqpen keletini sózsiz. Degenmen biz de qarap qalmaımyz. Eń bastysy, bar kúsh-jigerimizdi salyp, jeńiske jetýge tyrysamyz. Jankúıerlerimizdiń de qoldaýy asa mańǵyzdy», dedi Mılıch Chýrchıch.
Shveısarııada ótken birinshi matchta «Tobyl» alań ıelerin 1:3 esebimen eseńgirete utqan. Qostanaı tórindegi qarymta match 3 tamyzda saǵat 20:00-de bastalady.