Dúnıejúzilik densaýlyq saqtaý uıymy usynǵan derekke qaraǵanda, shilde aıynyń 13-30 kúnderi aralyǵynda álemde mıllıonnan astam adam koronavırýs ınfeksııasyna shaldyǵyp, 3 myńnan asa adam qaıtys bolǵan, dep habarlaıdy Egemen.kz.
DDU ún paraqshasynyń aqparaty boıynsha, aldyńǵy 28 kúnmen salystyrǵanda atalmysh ınfeksııa juqtyrýshylardyń sany 7%-ǵa ósip, ólim-jitim sany 53%-ǵa azaıǵan.
COVID-19 áli de kúshinde ekeni naqtylanǵandyqtan atalǵan uıym memleketterdi aýrýǵa qarsy qurǵan ınfraqurylymdardy áli saqtaýǵa shaqyryp otyr.
«Álemde tórt apta ishinde 1 008 194 ınfeksııa juqtyrý jáne 3 132 kisi ólimi tirkeldi. Tótenshe jaǵdaı rejıminiń aıaqtalýyna qaramastan, COVID-19 áli de úlken qaýip retinde sanalady. Qadaǵalaý, esep berý, koronavırýs dertiniń aldyn alý, erte klınıkalyq kómek kórsetý, joǵary qaýipti toptarǵa jatatyndarǵa qaıta vaksınalaý júrgizý óte mańyzdy», delingen málimdemede.