Qytaıdyń Chendý qalasynda ótip jatqan dúnıejúzilik Jazǵy ýnıversıadada júzý sportynan synǵa túsken Ádilbek Mýsın qola júlde jeńip aldy.
Jýyrda ǵana Japonııanyń Fýkýoka qalasynda ótken sý sporty túrlerinen álem chempıonatynda batterflıaı ádisimen 100 metrge júzýde jartylaı fınalǵa deıin jetip, el rekordyn jańartqan (51,68 sekýnd) otandasymyz Jazǵy ýnıversıadada óz nátıjesin jaqsarta almasa da, júldegerler qatarynan kórindi.
Segiz sportshy qatysqan fınaldyq saıysta jerlesimiz atalǵan qashyqtyqty 52,03 sekýndta baǵyndyryp, qola júldeni ıelendi. Birinshi jáne ekinshi oryndar polshalyq sportshylarǵa buıyrdy. Irikteý kezeńinde Ádilbek Mýsın 52,34 sekýnd kórsetkishimen fınalǵa joldama alǵan bolatyn. Sonymen qatar bıiktikke sekirý boıynsha baq synaǵan Nadejda Dýbovıskaıa men Krıstına Ovchınnıkova irikteýde sátti óner kórsetkenimen, fınalda joldary bolmady.
Jalpykomandalyq esepte elimizdiń sportshylary 20 medalmen (2 altyn, 7 kúmis jáne 11 qola) 20-orynda keledi. Jazǵy ýnıversıada búgin máresine jetedi.