Keıingi úsh jylda elimizge saıahattaıtyn ekotýrıster sany artyp keledi. Máselen, 2020 jyly álemniń toǵyzynshy terrıtorııasyna 985 myń ekotýrıst kelgen bolsa, 2022 jyldyń sońyndaǵy derek boıynsha olardyń sany eki esege artyp, 2 mıllıonǵa jetken.
«Bul – elimizdegi ekologııalyq týrızmniń oń baǵytta damyp kele jatqanynyń jáne eldegi ekotýrızm mádenıetiniń qalyptasqanynyń kórsetkishi. Sondaı-aq respýblıkanyń ulttyq saıabaqtarynda jańa týrıstik nysandar – vızıt-ortalyqtar, kempıngter men glempıngter salynyp jatyr. Onda qonaqtarǵa jergilikti ekojúıe jáne jabaıy janýarlar, týrıstik marshrýttar, tasymaldaý pýnktteri, t.b. aqparat beriledi. Mysaly, «Aıýsaı» vızıt-ortalyǵynda týrısterdiń qaýipsizdik jýrnalyna ártúrli soqpaq joldarmen shyǵatyn saıahatshylardy tirkeıdi. Eger demalýshylar saǵat 22.00-ge deıin turar jaıyna oralmasa, vızıt-ortalyq qyzmetkerleri olardy izdeýdi bastaıdy», dedi Mádenıet jáne sport vıse-mınıstri Erjan Erkinbaev.