2021 jyldan bastap jeke ınvestorlardy tartý esebinen elimizde ulttyq parkter men basqa da tabıǵı oryndarynda jeti vızıt-ortalyq salynyp, týrısterdiń ıgiligine berildi. Atap aıtqanda, vızıt-ortalyqtar Aıýsaı, Túrgensaı, Sartas, Sharyn, Gorelnık, Medeý jáne Altynemel ulttyq parkterinde boı kótergen.
Jaqyn arada Túrgen jáne Býtakovka shatqaldarynda da vızıt-ortalyq salynady dep josparlanǵan. Búginde elimizde týrızm salasyndaǵy kásipkerlerdi memlekettik qoldaýdyń jeti tetigi bar. Atap aıtqanda, ár týroperatorlardyń shyǵyndaryn sýbsıdııalaý, balalarǵa elimiz boıynsha avıabıletterdiń qunyn sýbsıdııalaý, kásipkerlerge taý-shańǵy kýrorttarynyń jabdyqtaryn, kólik quraldaryn satyp alý (25%), jol boıyndaǵy servıs nysandaryn salý, týrıstik nysandardy salý jáne rekonstrýksııalaý (10%) shyǵyndardyń bir bóligin óteý, sondaı-aq sanıtarlyq-gıgıenalyq toraptardy ustaýǵa arnalǵan sýbsıdııalar (aıyna 83 300 teńge) jatady.