«О́z óńirimdi órkendetkim keledi» shyǵarmashylyq baıqaýynyń 600 jeńimpazy «Týǵan elge saıahat» týrıstik poıyzymen 15 myń shaqyrym jol júrdi. Elimizdiń barlyq aımaǵynan jınalǵan daryndy balalar saıahattan kóp sabaq alǵan.
«Samuryq-Qazyna» AQ-nyń 15 jyldyǵyna oraı uıymdastyrylǵan «Týǵan elge saıahat» jobasy ótken jeksenbi kúni óz máresine jetti. Saıahatqa negizinen atalǵan kompanııa tobynyń óndiristik kásiporyndary qyzmetkerleriniń balalary qatysty. Elimizdiń ár óńirinen jınalǵan 600 balanyń saıahat poıyzy úsh kezeńniń qorytyndysynda 15 myń shaqyrymǵa jýyq joldy júrip Baıqońyr, Býrabaı, Túrkistan, Almaty, Alakól, Astana jáne Aqtaý sekildi óńirlerdi qamtyǵan.
Odan keıin qor ókilderi jobanyń úshinshi kezeńindegi 200 balamen júzdesti. О́z kezeginde, bul kúni áserli sapardan oralǵan jas saıahatshylar týǵan eliniń barlyq ádemi, kórkem ári kórikti jerlerinde boldy. Barǵan qalalary men keń dalanyń tarıhyna boılap, kóp taǵylym aldy. Oǵan qosa bir-birimen dostasyp, jańa dostar tabýǵa múmkindik aldy. Balalarmen saıahatta birge bolǵan ustazdar men tálimgerlerden qosymsha mol bilim alýǵa jaǵdaı jasaldy. Balalar osyndaı keremet saıahat uıymdastyryp, bilimderin tolyqtyryp, el men jer kórip, tarıhı oryndardy kórip, tanymdaryn tereńdetýge múmkindik bergeni úshin qor jetekshilerine alǵys bildirdi.
«Samuryq-Qazyna» AQ kompanııalar toby atynan jobanyń bas seriktesi – «Samruk-Kazyna Trust» áleýmettik jobalardy damytý qorynyń bas dırektory Álfıa Ádıeva óziniń quttyqtaý sózinde qaıyrymdylyq operatorynyń qyzmetinde elimizdiń áleýmettik-ekonomıkalyq damýyna, onyń ishinde balalardy qoldaýǵa erekshe nazar aýdarylatynyn aıtty.
«Biz jolda da, barlyq aıaldaǵan qalalarymyzda da ýaqytty óte jaqsy ótkizdik, bári keremet! Poıyzdaǵy úıirmelerde kún saıyn jańa nárse bilip, tálimgerlermen oıyn oınadyq. Oǵan qosa aǵylshyn tilin meńgerip, dombyra tarttyq. Al óńirlerde bizdi qyzyqty saıahattar men oıyn-saýyqtar kútip turdy. Bul meniń ómirimdegi eń jaqsy demalys saıahaty boldy!» degen oıymen bólisti Shymkent qalasynan qatysqan Orazhan Muratbek.
Týrıstik poıyzdyń ár úsh kezeńinde 18 maman (pedagog, psıholog, anımator, medbıke) jumysqa tartyldy. Joba «Samuryq-Qazyna» AQ kompanııalar toby atynan qaıyrymdylyqtyń biryńǵaı operatory «Samruk-Kazyna Trust» qorynyń qarjylandyrýymen jáne Áleýmettik jobalar qorynyń uıymdastyrýymen júzege asqan.