QR IIDM-de baspanaǵa muqtaj azamattardyń kezekke turý máselelerine baılanysty zertteý jumystary iske asyryldy. Indýstrııa jáne ınfraqurylymdyq damý mınıstrligi Sıfrlyq damý, ınnovasııalar jáne aeroǵarysh ónerkásibi mınıstrligimen birlesip (Sıfrly úkimetti qoldaý ortalyǵynyń bazasynda), Invisible Government jobasy aıasynda «Turǵyn úıge kezek» breınshtromıngin ótkizdi, dep habarlaıdy Egemen.kz atalǵan mınıstrliktiń baspasóz qyzmetine silteme jasap.
Aıtalyq, Densaýlyq saqtaý mınıstrligi, Astana qalasynyń turǵyn úı basqarmasy jáne turǵyn úıınspeksııasy, «Otbasy Banki», О́mirlik qıyn jaǵdaıda qalǵan balalardy qoldaý ortalyǵy jáne Astana qalasynyń balalar úıi ókilderiniń qatysýymen baspanaǵa muqtaj adamdar qatary qalyptastyryldy. Oǵan jetim balalar, 1 jáne 2 toptaǵy múgedektigi bar adamdar kirdi.
Breınshtormıngtiń barysynda negizgi sanatty aıqyndaýmen birge olardyń basymdylyǵyna baılanysty ózekti máseleler de aıtyldy. Máselen, jetim balalardyń kámelet jasqa tolǵannan keıin jınaqtalǵan járdemaqyny maqsatsyz paıdalaný men zańnamadaǵy normalardy ózgertý boıynsha usynystar jasaldy.
Sonymen qatar respondentter arnaıy onlaın saýalnamadan ótti. Onyń nátıjesinde olar uzaq jyl boıy úı kezegin kútýge májbúr ekendikterin, jalǵan ajyrasý faktileriniń bolýy men múgedektikti taǵaıyndaý boıynsha problemalardyń bar ekendigin jetkizdi. Osylaısha, atalǵan sanattaǵy azamattarǵa qoldaý kórsetýdi jalǵastyrý úshin reınjınırıng tetigi boıynsha keri baılanys jasaldy.
Breınstormıngtiń qorytyndysy boıynsha negizgi topqa kiretin adamdardy turǵyn úı kezegine qoıý úshin bul qyzmetti proaktıvti formatta kórsetý bastamasy kóterildi.
Mınıstrlik joǵaryda aıtylǵan sanattarǵa kiretin azamattardy kezekke ótinishinsiz turǵyzý úshin proaktıvti habarlamany joldaý maqsatynda kezekte turǵandardyń biryńǵaı aqparattyq júıesinen etalondyq derekterdi avtomatty túrde alý úshin qajetti AJ-men ıntegrasııalaý bóliginde tıisti jumystardy júrgizetin bolady.