Memleket basshysy Qasym-Jomart Toqaev birqatar jarlyqqa qol qoıdy, dep habarlaıdy Egemen.kz Aqorda baspasóz qyzmetine silteme jasap.
Memleket basshysynyń jarlyǵymen Qazaqstan Respýblıkasynyń Efıopııa Federatıvtik Demokratııalyq Respýblıkasyndaǵy Tótenshe jáne О́kiletti Elshisi Barlybaı Kárimuly Sadyqov Qazaqstan Respýblıkasynyń Kenııa Respýblıkasyndaǵy Tótenshe jáne О́kiletti Elshisi qyzmetin qosa atqarýshy laýazymyna taǵaıyndaldy.
Budan bólek, Asqar Saýytbekuly Ábdirahmanov Parıj qalasyndaǵy (Fransýz Respýblıkasy) Bilim, ǵylym jáne mádenıet máseleleri jónindegi Birikken Ulttar Uıymynyń jáne basqa da halyqaralyq uıymdardyń janyndaǵy Qazaqstan Respýblıkasynyń Turaqty ókili laýazymyna taǵaıyndaldy.
Prezıdenttiń Jarlyǵymen Qazaqstan Respýblıkasynyń Fransýz Respýblıkasyndaǵy Tótenshe jáne О́kiletti Elshisi Gúlsara Mereıqyzy Arystanqulova Bilim, ǵylym jáne mádenıet máseleleri jónindegi Birikken Ulttar Uıymynyń janyndaǵy Qazaqstan Respýblıkasynyń Turaqty ókili laýazymynan bosatyldy.