Astana qalasynyń ákimi Jeńis Qasymbek qalanyń tynys-tirshiligi úshin mańyzdy nysandar jaıly aqparat usyndy, dep habarlaıdy Egemen.kz elorda ákimdiginiń baspasóz qyzmetine silteme jasap.
«Qalanyń tirshiligi toqtaýsyz júrý úshin birqatar mańyzdy nysan salamyz. Olar – «Turan» jáne «Ońtústik-Shyǵys» gaz jylý stansııalary, sondaı-aq qurylysy uzaqqa sozylǵan JEO-3 nysanyn aıaqtaımyz. QR Premer-mınıstri Álıhan Smaıylov ınfraqurylym nysandarynyń qurylys barysyn tekserdi», dep jazdy bas qala ákimi.
Aıta ketsek, elordada jylytý maýsymy shamamen 7 aıǵa sozylady. Ákimniń jazýynsha, gaz jylý stansııalary men JEO-3-ti aldaǵy jylytý maýsymynda kezeń-kezeńimen paıdalanýǵa berý josparlanyp otyr.
«Máselen gaz jylý stansııalary men JEO-3 osy jylytý maýsymynda 1100 Gkal/saǵ jylý beredi, bul bizge profısıtke shyǵýǵa múmkindik beredi. Sonymen qatar bıyl úshinshi gaz jylý stansııasynyń qurylysyn bastaýdy josparlap otyrmyz», dep jazdy Jeńis Qasymbek.