QR Premer-mınıstri Álıhan Smaıylovtyń tóraǵalyǵymen ótken Úkimet otyrysynda óńirlerdiń jańa oqý jylyna daıyndyǵy talqylandy, dep habarlaıdy Egemen.kz.
Premer-mınıstr oqý jyly bastalǵanǵa deıin 52 jańa mektep ashý josparlanyp otyrǵanyn atap ótti. Sonymen qatar jańadan salynyp jatqan 15 mektep ýaqytyly ashylmaı qalýy múmkin.
«Mundaı obektilerdiń basym bóligi Túrkistan oblysy men Astana qalasynda ornalasqan. Osy baǵyttaǵy jumystardy kúsheıtip, jańa mektepterdiń iske qosylýyn qamtamasyz etý qajet», dedi Álıhan Smaıylov.
Úkimet basshysynyń aıtýynsha, 180 mektepte kúrdeli jóndeý jumystary aıaqtalýǵa jaqyn, biraq munda da jumystardyń ýaqytynda aıaqtalmaı qalý qaýpi bar.