Gavaı araldarynyń bıligi Maýı aralyndaǵy orman órti saldarynan qaza tapqan 101 adamnyń jeke basyn anyqtap jatyr, dep habarlaıdy Egemen.kz The Guardian basylymyna silteme jasap.
Ormannyń keıbir órtengen jerleri áli tolyq sóndirilmegen. 100-den astam adamnyń ómirin qıǵan mundaı órt AQSh-ta ǵasyrdan astam ýaqyt tirkelmegen.
Qatty jeldiń saldarynan órt Lahaına qalasyn sharpyǵan. Qyzyl jalyn 13 myń turǵyny bar qalanyń barlyq ǵımaratyna tarap úlgergen. О́rttiń shyǵý sebebi áli anyqtalyp jatyr.
AQSh densaýlyq saqtaý jáne halyqqa qyzmet kórsetý departamenti kóz jumǵan adamdardyń jeke basyn anyqtaý maqsatynda patologoanatomdar men tehnıkter tobyn, sonymen birge tekserý ústelderin, rentgen apparattaryn jáne basqa da jabdyqtardy jiberdi.