Jambyl oblysy ákiminiń ókimimen Sandýǵash Ermahanqyzy Ábdiralıeva oblys ákimdiginiń ekonomıka jáne bıýdjettik josparlaý basqarmasynyń basshysy bolyp taǵaıyndaldy, dep habarlaıdy Egemen.kz.
Sandýǵash Ermahanqyzy 1981 jyly Jambyl oblysy Jambyl aýdanynda týǵan.
M.H.Dýlatı atyndaǵy Taraz memlekettik ýnıversıtetin «memlekettik mýnısıpaldyq basqarý», Taraz ınnovasııalyq-gýmanıtarlyq ýnıversıtetin «ekonomıka jáne bıznes» mamandyqtary boıynsha bitirgen.
Eńbek jolyn Almaty ekonomıka jáne statıstıka ınstıtýtynyń Jambyldaǵy fılıalynyń ádiskeri bolyp bastaǵan.
Ár jyldary Jambyl oblysy ákiminiń ekonomıka basqarmasynyń jetekshi mamany, bas mamany, ekonomıka jáne bıýdjettik josparlaý basqarmasynyń bas mamany, bólim bastyǵy qyzmetterin atqarǵan.
2014 jylǵy qańtardan bastap Jambyl oblysy ákimdiginiń ekonomıka jáne bıýdjettik josparlaý basqarmasy basshysynyń orynbasary laýazymynda eńbek etip keldi.