Almaty oblysy boıynsha Memlekettik kirister departamenti «Altyn orda» bazarynda zertteý júrgizip, birqatar zań buzýshylyqty anyqtady, dep habarlaıdy Egemen.kz.
Almaty oblysy boıynsha Memlekettik kirister departamenti bıyl maýsym aıynda «ALTYN ORDA NEW COMPANY» JShS-de hronometrajdyq zertteý júrgizgen.
«JShS 2022 jyldyń 4 toqsanyna 530,4 mln teńgeniń kirisin kórsete otyryp, qosymsha salyq eseptiligin tapsyrdy. Qosymsha eseptelgen qosylǵan qun salyǵy - 63,6 mln teńge, korporatıvti tabys salyǵy - 106,0 mln teńge. О́simpuldy eseptemegende hronometrajdyq tekserý nátıjeleri boıynsha bıýdjetke barlyǵy 169,6 mln teńge tústi. Tekserý barysynda «ALTYN ORDA NEW COMPANY» JShS-de baqylaý-kassa mashınalaryn qoldanbaı aqshalaı esep aıyrysýdy júzege asyrýdyń qosymsha núkteleri anyqtaldy. Tekserý nátıjeleri boıynsha qosymsha 4 baqylaý-kassa mashınasy tirkeldi», delingen vedomstvonyń baspasóz qyzmeti taratqan aqparatta.
«Altyn Orda» saýda bazarynda túsindirý jumystarynyń nátıjesinde jeke kásipkerler retinde 742 salyq tóleýshi jáne baqylaý-kassa mashınalary erikti túrde tirkelgen.
Odan bólek, Almaty oblysy boıynsha Polısııa departamentiniń qyzmetkerlerimen birlesip, «Altyn orda» bazarynda kásipkerlik qyzmetti salyq organdarynda tirkeýsiz júzege asyratyn tulǵalardy anyqtaý boıynsha taqyryptyq (reıdtik) tekserý júrgizilgen. Reıd barysynda 12 jeke tulǵa anyqtalǵan. Materıaldary sotqa joldanǵan.
Budan basqa, memlekettik kirister organdarynyń qyzmetkerleri 3 salyq tóleýshini ákimshilik jaýapkershilikke tartqan:
- 1 salyq tóleýshi kásipkerlik qyzmetpen aınalysqany, sondaı-aq tıisti tirkeýsiz, ruqsatsyz nemese habarlama jiberýsiz áreketterdi júzege asyrǵany úshin;
- taýardyń baǵasyn tómendetip kórsetip, atalǵan taýardy «Altyn orda» bazarynyń aýmaǵynda ótkizgen 2 tulǵa ákimshilik jaýapkershilikke tartyldy.