Uıaly telefon arqyly deklarasııa tapsyrý jolyn nazarlaryńyzǵa usynamyz.
Eń aldymen uıaly telefonyńyzǵa «E - Salyq Azamat» qosymshasyn júkteý kerek.
Qosymshaǵa kirgennen keıin sol jaqta joǵary jaqta úsh syzyq turady. Sonyń ústinen basyp, tómengi jaǵynan qazaq tilin tańdaısyz.
Kelesi profıl parametrlerinen tirkelý degen batyrmany basasyz, ózińizge yńǵaıly tirkelýdi tańdaısyz. Bul jerge ózińizdiń JSN-di engizesiz. Kirý jáne tirkelý batyrmasyn basasyz. Budan soń telefon nómirińizge sms-kod keledi. Sms-kod kelgennen keıin, ony kórý úshin «razreshıt» batyrmasyn basasyz. Sms-kodty tirkeısiz. Qosymshaǵa jyldam kirý úshin, ózińizge parol engizesiz. Endi joǵarydaǵy úsh syzyqty basyp, deklarasııa tapsyrý degen batyrmany basyp, 250-aktıvteri men mindettemeleri týraly deklarasııany tańdap, ózińizge qatysty aqparattardy toltyryp shyǵasyz. Rezıdenttik mártebesi degen jerge rezıdentti tańdaısyz. Budan soń salyq tóleýshiniń sanatyn tańdaý kerek. Eger laýazymdy tulǵa bolsańyz A sanatyn tańdaısyz. Al jeke kásipker, muǵalim, dárigerler V sanatyn tańdaıdy.
Memlekettik kirister kodyna ózińizdiń turǵylyqty mekenjaıyńyzdy engizesiz. Telefon nómirińizben elektrondy poshtańyzdy tirkeısiz. Jalǵastyrý batyrmasyn basasyz. Osydan keıin shet memlekette tirkelgen múlkińiz bolsa + batyrmasyn basyp, kórsetýińiz kerek. Qazaqstannan tys jerdegi bank esep shotyńyzda aqsha bolsa, ony kórsetýińiz qajet. Egerde Qazaqstanda atyńyzda múlik bolsa, ony kórsetýdiń qajeti joq. Sosyn jalǵastyrý batyrmasyn basasyz. Aldyn ala qaraý batyrmasyn basyp, ózińizdiń deklarasııańyzdy osy jerden qaraı alasyz. ESQ nemese sms-kod arqyly qol qoıýyńyz qajet. Sms-kod kelgennen keıin «razreshıt» batyrmasyn basyp, habarlamany júkteý degen batyrmany basý kerek. Sol arqyly qujat sizde daıyn bolady.