29 tamyz ben 3 qyrkúıek aralyǵynda Almatydaǵy «ADD Ustel Tennis Ortalygy» sport kesheninde ústel tennısinen asa iri halyqaralyq týrnır ótedi.
Atalǵan jarysqa 33 memleketten kelgen 150-den asa sportshy qatysady dep kútilýde. Júlde qory 75 myń AQSh dollaryn quraıtyn dúbirli dodada ústel tennısiniń kóptegen juldyzdary óner kórsetedi. Solardyń qatarynda Olımpııa oıyndarynyń birneshe dúrkin júldegeri, Álem kýboginiń ıegeri germanııalyq Dmıtrıı Ovcharov pen «WTT Contender» týrnırleriniń jeńimpazy Rýven Fılýs, álem chempıonatynyń kúmis júldegerleri shvesııalyq Trýls Moregard pen ulybrıtanııalyq Lıam Pıtchford, Eýropa oıyndarynyń qola júldegeri, fransııalyq Aleksıs Lebrýn, qurlyq birinshilikteriniń jeńimpazy nıgerııalyq Kvadrı Arýna, portýgalııalyq Markýs Freıtas, rýmynııalyq Bernadett Sıoch pen Elızabet Samara jáne taǵy basqa sańlaqtar bar.