Prezıdent Qasym-Jomart Toqaev 15-shi BRIKS sammıti aıasynda ótip jatqan memleketter basshylarynyń «BRIKS Plıýs» dıalogy otyrysynda sóz sóıledi, dep habarlaıdy Egemen.kz Aqordanyń baspasóz qyzmetine silteme jasap.
«Búgingi sammıt BRIKS-tiń rólin eleýli túrde kúsheıtip, ashyq dıalog pen ózara túsinistik negizinde jahandaǵy kóptegen ózekti máseleni sheshýge kómektese alady. Bul sammıt halyqaralyq arenadaǵy jaǵdaı shıelenisken kezeńde ótip jatyr. Onyń sıpattary saıası qysym jasaýdan, konfrontasııadan jáne jappaı sanksııa salýdan kórinedi. Sondyqtan men Shanhaı yntymaqtastyq uıymynyń qazirgi tóraǵasy retinde óńiraralyq yntymaqtastyqtyń perspektıvasy men ortaq múddeleri týraly kózqarasymyzdy jetkizgim keledi», dedi Q.Toqaev.
Budan soń ol Úndistannyń Premer-mınıstri Modıdi Aıdyń Ońtústik polıýsine taıaý jerge úndistandyq ǵarysh apparatynyń sátti qonýymen shyn júrekten quttyqtady.