Áýe gımnasshylarynyń jeńisi

Z.Saıdýllaev bir jyldan astam ýaqyt boıy osy nómirdi, onyń kostıým­derin, rekvızıtterin daıynda­ǵanyn aıtady. Qoıylymda názik jandy arý­dyń er-azamatty bir kolmen demep kó­tergeninen ózge de qaýipti, áserli mezetterdi kór­gen kórermen demin ishi­ne tartyp otyr­dy. Bul jurtqa onyń bas­qa óner­ge uq­samaıtyn, qajyrly eńbek­ti talap etetin, erekshe óner túri ekenin uǵyn­dyrdy.

Al kileń myqtylar jınalǵan osy tartysty dodaǵa sırk óneriniń «ji­ligin shaǵyp, maıyn ishken» tóreshiler qazylyq jasady.

Jalpy, atalǵan baıqaý sırk ónerin damytyp, nasıhattaýǵa jáne halyqtyń arasynda osy óner jaıly keń túsinik qalyptastyrýǵa baǵyttalǵan. Al altyn júlde jalǵyz sırk mekemesiniń emes, búkil Shymkenttiń mereıin asyr­ǵan qýanysh.

«14 jyldan beri uıymdastyrylyp kele jatqan festıval Qazaqstan sır­ki úshin asyǵa kútetin, mańyzdy oqı­ǵalardyń biri deýge bolady. О́ner dodasy alǵash ret 2007 jyly ótki­zil­gen. Sodan beri ózin eń bedeldi halyq­aralyq festıval retinde dáleldedi. Onyń basty ereksheligi – úzdik sırk nómirlerinde. Sondyqtan oǵan álemniń kóptegen elinen kelip qatysýǵa asyǵady. Júldege jas ta, ataqty sırk ártisteri de birdeı talasady. Bıylǵy maýsym aıynda Almaty qalasynda Almaty Circus Festival ha­lyq­aralyq festıvali ótti. Oǵan álem­niń 15 elinen ónerpazdar jınaldy. Bul saıysta Sergeı Mýstafın jetekshi etetin ónerpazdar «Podkıdnaıa dos­ka» nómirin qoıdy. Kórermendi erekshe tańǵaldyrǵan Shymkent-sırk mekemesiniń ártisteri sol jarystan elge júldemen oraldy. Shymkent qa­lasynyń mádenıet, tilderdi damytý jáne arhıvter basqarmasynyń qoldaýymen bizdiń ujym budan da joǵary belesterdi baǵyndyrýdy aldyna maqsat qoıyp otyr. Jáne sol senim údesinen shyǵyp keledi», dedi Shymkent-sırk mekemesiniń basshysy Nurlan Ádilhanov.

Sonymen birge megapolıs sırki ujymynyń jetekshisi aldaǵy ýaqytta álemdi aýzyna qaratqan Monte Karlo sırk festıvaline shaqyrtý alsa, shymkenttik ónerpazdardyń da bul halyqaralyq saıystan júldeli oralatynynan úmitti.

ShYMKENT