Áleýmettik jelidegi paraqshasynda «Jigit bolsań shoq bol, shoq bolmasań joq bol»dep jazǵan WBO nusqasy boıynsha orta salmaqtaǵy álem chempıony Jánibek Álimhanuly Gollıvýdtaǵy «Juldyzdar alleıasynda» esimin qaldyrýǵa nıetti ekenin aıtty, dep habarlaıdy Egemen.kz.
Boksshy óziniń aty Muhammed Álıdiń esimi jazylǵan jerdiń janynan kórýdi qalaıdy.
«Mine, myna jerde Muhammed Álıdiń aty jazylǵan. Myna jaǵynda kishkene bos oryn tur. Qudaı qalasa, tarıhta qalyp, osy orynǵa atymyzdy jazdyrsaq degen oı da, maqsat ta bar. Adam istegendi adam isteıdi. Bizdiń mansabymyzdaǵy jospardyń biri – osy jerge Qazaq style atyn jazý», dedi ol.