«Altyn tobylǵy» ádebı baıqaýy úzdik jas aqyndar men jazýshylardy anyqtaıdy. Bul ıgi is-sharany Nursultan Nazarbaev Qory uıymdastyryp otyr. Dástúrli baıqaý bıyl toǵyzynshy ret ótedi. Basty maqsat – zamanaýı qazaqstandyq kórkem ádebıetti damytý, jas qalamgerlerdi qoldaý, shyǵarmashylyǵyn nasıhattaý, dep habarlaıdy Egemen.kz.
Ádebı baıqaýǵa 18-35 jas aralyǵyndaǵy jas qalamgerdiń qazaq nemese orys tilderindegi shyǵarmasy qabyldanady. Avtor eki nomınasııaǵa qatysýǵa quqyly. Baıqaýdyń burynǵy jeńimpazdary qatystyrylmaıdy. Bir avtordan buryn-sońdy esh jerde jarııalanbaǵan eki shyǵarmaǵa deıin qabyldanady.
Baıqaý nomınasııalary:
- «Jyldyń úzdik prozasy»; - «Jyldyń úzdik poezııasy»; - «Jyldyń úzdik dramatýrgııasy»; - «Jyldyń balalarǵa arnalǵan úzdik shyǵarmasy»; - «Jyldyń úzdik kınossenarııi»; - «Jyldyń úzdik fantastıkalyq shyǵarmasy»;
Qor bıyl ««Jańa Qazaqstannyń jasampaz urpaǵy» taqyrybyna arnalǵan úzdik ádebı týyndy» arnaıy nomınasııasyn da taǵaıyndaǵan. Jeńimpaz «Altyn tobylǵy» ádebı syılyǵynyń laýreaty atanyp, 2 mln teńge kóleminde aqshalaı syılyq alady. Al arnaıy nomınasııa jeńimpazyna 3 mln teńge beriledi.
Qatysý úshin ótinimdi (shyǵarmany) poshta arqyly Astana qalasy, Á.Bókeıhan kóshesi, 1A, Nursultan Nazarbaev Qoryna nemese at2022@fnn.kz elektrondyq mekenjaıyna jiberý kerek. О́tinim 30 qazanǵa deıin qabyldanady.
Tolyq aqparatty fnn.kz saıtynan nemese 8 (7212) 767012 telefon nómiri arqyly bilýge bolady.