Hromtaý aýdanyna qarasty Dóń aýylynda zamanaýı dene shynyqtyrý-saýyqtyrý kesheni ashyldy, dep jazady Egemen.kz.
Ashylý saltanatynda oblys ákimi Eraly Toǵjanov turǵyndardyń qýanyshyna quttyqtaý lebiz arnap, jastar úshin sporttyń mańyzdylyǵyn atap ótti.
Keshende kúres, voleıbol, basketbol jáne taǵy basqa sport túrlerimen aınalysýǵa arnalǵan zaldar bar.
Oblys ákimdiginiń málimetinshe jalpy aýdany 1 myń sharshy metrden asatyn atalmysh sport keshenin salýǵa jáne jaraqtandyrýǵa memleketten 305 mln teńgeden astam qarjy bólingen.
Aıta ketsek, jyl basynan beri oblysta 7 sport kesheni paıdalanýǵa berilgen. Taǵy 11 sport kesheniniń qurylysyn jyl sońyna deıin aıaqtaý josparlanyp otyr.