Premer-mınıstrdiń orynbasary – Saýda jáne ıntegrasııa mınıstri Serik Jumanǵarın «Amanat» partııasynyń qoǵamdyq qabyldaý alańynda azamattardy jeke qabyldady.
Qazaqstan qus ósirýshiler odaǵynyń ókili Rýslan Sharıpov bıdaı ákelýge engizilgen tyıymǵa uqsas taýyq etin Reseı Federasııasynan ákelýge shekteýler engizý múmkindigi týraly másele kóterdi. Onyń aıtýynsha, ımporttalǵan taýyq eti otandyq taýyqqa qaraǵanda áldeqaıda arzan. Sondaı-aq ımporttyq etti otandyq ónim túrinde satý jaǵdaılary bolǵan.
S.Jumanǵarınniń aıtýynsha, ımporttyq ónimderdi ákelýge «Qazaqstan Respýblıkasynyń Ulttyq qaýipsizdigi týraly» zańnyń 22-babyna jáne Eýrazııalyq ekonomıkalyq odaq týraly sharttyń 29-babyna sáıkes eldiń ekonomıkalyq jáne azyq-túlik qaýipsizdigine qaýip tóngen kezde tyıym salýǵa bolady. Qus eti ımportqa táýeldiligi joǵary áleýmettik azyq-túlik ónimder qataryna engenimen, Qazaqstan tutynýshylardyń taýyq etine degen qajettiligin 60%-ǵa ǵana qamtamasyz etedi. Sondyqtan reseılik taýyq etiniń ımportyn baǵanyń ósýine jáne el ishinde tapshylyq týǵyzý qaýpinsiz jabý múmkin emes. Sonymen qatar eger sanıtarlyq-epıdemııalyq standarttardy, kontrafaktini jáne basqa da qoldanystaǵy normalardy buzý faktileri bolsa, zertteý júrgiziledi jáne rastalǵan jaǵdaıda shekteý sharalaryn qabyldaý úshin Tehnıkalyq retteý jáne metrologııa komıtetiniń bazasynda qoldanylatyn ahýaldyq shtabqa júginý qajet.
Aýyl sharýashylyǵy taýaryn óndirýshi Qanatbek Územbaev Pavlodar oblysynda kúzgi-qysqy kezeńde shabyndyq alqaptardy daıyndaý jáne Ertis ózeniniń boıyndaǵy aýyl sharýashylyǵy jerlerin sýmen qamtamasyz etý máselesin kóterdi. Pavlodar oblysy ákiminiń orynbasary Serik Batyrǵojınov ákimdik júrgizgen tekserý qorytyndysy boıynsha oblystyń barlyq aýdanynda aýyl sharýashylyǵy jerlerine arnalǵan rezervtik shalǵyndar bar ekenin aıtty. Jemshóppen tolyq qamtamasyz etý úshin SQO ákimdigimen qosymsha Taıynsha, Aqjar jáne M.Jumabaev aýdandarynda jem daıyndaý máselesi sheshilgen. Al aımaqtaǵy shóp alqaptaryndaǵy sý tapshylyǵy týraly ekologııa jáne tabıǵı resýrstar vıse-mınıstri Galıdýlla Azıdýllın túsinikteme berdi. Ol mundaı problema bıyl túngi temperatýranyń tómendeýine baılanysty búıirlik aǵynnyń tómendeýine oraı oryn alǵanyn rastady. Ertis boıynsha sý jiberýdiń jalpy kólemi josparlanǵan 4 590 mln tekshe metr ornyna 4 100 mln tekshe metrdi qurady.
S.Jumanǵarın Ekologııa jáne tabıǵı resýrstar, Aýyl sharýashylyǵy mınıstrlikterine Pavlodar oblysynyń ákimdigimen birlesip, aýyl sharýashylyǵy alqaptaryn sýmen qamtamasyz etý úshin Ertis boıynsha qajetti sý ótkizý kólemin uıymdastyrý bóliginde jumysty jolǵa qoıýdy tapsyrdy. Aýyl sharýashylyǵy mınıstrligine sýarý boıynsha jobalardy pysyqtaýdy tapsyrdy.
«Kómir» ǴZO» JShS dırektory Erlan Alsherov kómir salasynda ulttyq standarttardy ázirleý boıynsha memlekettik satyp alýdyń uzaqqa sozylǵan konkýrsy týraly suraqpen júgindi. Konkýrstyń uzaqqa sozylý sebepteri boıynsha Tehnıkalyq retteý jáne metrologııa komıteti tóraǵasynyń orynbasary Janna Esenbekova túsinikteme berdi.