Eldiń eldigin aıshyqtaıtyn, memleketimizdegi birliktiń berik irgetasyn qalaıtyn basty qujat bar bizde. Ol – Konstıtýsııa. О́tken jyly 5 maýsymda Memleket basshysy Qasym-Jomart Toqaevtyń bastamasymen Negizgi zańymyzǵa ózgerister engizildi. Ata Zańǵa usynylǵan 56 túzetýdi konstıtýsııalyq referendým kezinde elimizdiń basym bóligi qoldady. Osylaısha, halyq óz tańdaýyn jasady. Jańartylǵan basty qujat azamattardyń quqyǵyn tanytyp, halyqtyń múddesin qorǵaýda jańa múmkindikterge, ıgi ister men bastamalarǵa jol ashty. Sol sebepti de egemendi elimizdiń jańa tarıhyn jazǵan saıası reforma – konstıtýsııalyq reforma el ómirindegi jańa sapalyq kezeń, ózgerister bastaýy.
Halqymyz áý bastan «azattyqtyń altyn qazyǵy» dep aıshyqtaǵan Konstıtýsııada barlyq azamattyń quqyqtary men mindetteri, myzǵymas qundylyqtarymyz ben qaǵıdattarymyz, memlekettiligimizdiń basty ustyndary aıqyn ári anyq jazylǵan. Sondaı-aq bas qujat memleketimizdiń áleýmettik-ekonomıkalyq damýynyń, zań ústemdiginiń, turaqtylyq pen kelisimniń kepili bolyp qala bermek.