Aqmola oblysynyń 12 turǵyny aýrýhanaǵa tústi. Dárigerlerdiń aıtýynsha, 10 adamnan sibir jarasy anyqtaldy, taǵy 2 adamnan atalǵan derttiń belgileri baıqaldy, dep habarlaıdy Egemen.kz Aqmola oblysynyń sanıtarlyq-epıdemıologııalyq qadaǵalaý basqarmasyna silteme jasap.
«JShS dırektorynyń aıtýynsha, 32 bas iri qara ólgen. О́lgen maldyń kózi joıyldy», dep málimdedi basqarma qyzmetkerleri.
Naýqastarmen baılanysta bolǵan 22 adam anyqtaldy, olar Jarqaıyń ortalyq aýdandyq aýrýhanasynyń medısına qyzmetkerleriniń baqylaýynda bolady.
Aýylǵa karantın engizilip, kireberiste polısııa jasaqtary kúzet qoıǵan, kirip-shyǵatyn kólikter men turǵyndar da qatań baqylanady.